ظنيت ألاقي فيك شيٍ فقدته
للأسف آنآ’ في حبكُ’ ت[س]رِعتٌ’ ,, !
كنت أحسبك مجروح مثلي تولعت
جربت فرقى شخص قلبك وهبته
كنت أحسبك من مر جرحك تجرعت
حبيت فيك احساس طفلٍ لمحته
لوقلت آآآه بوسط روحي توجعت
ولو شفت دمعاتك شعوري سكبته
ولو تطلب اعيوني ابد ما تمنعت
واعطيك قلبي لو بعد ماطلبته
وصلت بك..... أعلى مكان وتربعت
وفي قلب غيري ياالغضي ماوصلته
واصبر على صدك واشوفك تدلعت
واعطيك ود وما اظنك حسبته
اذهلتني بطباعك اللي ...تطبعت
حتى قصيدي فيك ابد ما فهمته
لو كان غاياتك حروفي فأنا بعت
وافرح بجرح الشاعر اللي جرحته
وأرجوك من صدك تراني تشبعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك..ترفعت
ياليت قلبي قبل اعرفك دفنته
لكن أببعد دامني بك توهقت
الله يرحم حبنا اللي ذبحته
انا شريت الود والحين انا بعت
وانا عطيتك قلبي اللي قهرته
في يوم جيتك اطلبك ود واقنعت
نفسي بأنك شخص عادي عرفته
كمل حياتك مثل ما أنا توقعت
تبقى أسير الماضي اللي فرضته
ولا يحزنك اني غلطان وتراجعت
حولك بدالي ألف شخصٍ عجبته
أما أنا لا يمكن أخضع ولا طعت
يحرم علي أعطيك قلبٍ خذلته
باريّحك من شوفتي يوم قاطعت
أسلوبك اللي به تجامل كرهته
غلطان يا المقفي أنا ما تتبعت
غيري يتابع خطوتي ماتبعته
ما ينحني راسي لو اني تقطعت
وما هو انا من لا رميته لقطته
وان كان غرك حكي عذالي وطعت
الله يعلم كيف قلبي سكنته
اللي ملا قلبك علي وتسمعت
خله يعوض شخص مثلي خسرته
انا بما فيه الكفايه تولعت
واللي بقى من قلب فيني حرقته
باول لقا سلمته احساسي وضعت
غلطت حياتي يوم قلبي سلبته
واستسمحك فالبعد كاني تراجعت
ما عاد ابلقى فيك شي فقدته
طبعك مثل غيرك وطبعي كما كنت
موضوع: خواطر اعجبتني وحبيت انقلها لكم 
السبت أبريل 09, 2011 7:17 am
